Monoloq nədir?! Tək nəfərin söhbəti. Bəs bu söhbət insanlara aid deyilsə necə? Cəmiyyətlər söyləyirsə monoloqu öz fərdlərinə?! Qaydalar, məhdudiyyətlər və sərhədlər qoymaqla. Bəs bütün şəxslər susdurulursa, bəs sən monoloq söyləyə bilmirsənsə necə?!
   “Monoloq” romanı qadın hüquqları və onların cinsi azadlıqları, cəmiyyətdə qadınlar üzərində qurulmuş kölələşdirmə maşınları və  qadınların “sosial dəyərlər”lə necə idarə olunması məsələlərini ön plana çıxarmağa çalışır. Bununla birlikdə insanların ifadə azadlığı, fikir azadlığı, mətbuat azadlığı və bütün bunlar üzərində qurulmuş monopoliya haqqında yazılmış bir romandır. Fərdlər niyə susurlar, niyə hüquqlarını tələb edə bilmirlər, ən əsası isə cəmiyyət onlara “susmaq mədəniyyəti”ni necə aşılayır?! “Monoloq” romanı bir sosial analiz cəhdidir...